Ye jo diwane se do char nazar aate hain

Ye jo diwane se do char nazar aate hain
in main kuch sahib-e-asrar nazar aate hain

teri mehafil ka bharam rakahate hain so jat ehain
warna ye log to bedar nazar aate hain

dor tak koi sitara hai na koi jugnu
marg-e-umeed k aasar nazar aate hain

mere daman main shararon ke siwa kuch bhi nahin
ap phoolon k kharidar nazar aate hain

kal jise cho nahin sakati thi farishton ki nazar
aj wo ronaq-e-bazar nazar aate hain

hashr main kon gawahi meri dega ‘sagar’
sab tumhare hi tarafdar nazar aate hain