Itne Bhi To Wo Khafa Nahi The

Itne Bhi To Wo Khafa Nahi The.
Jaise Kubhi Aashna Nahi The.

Mana K Behem Kahan The Aise.
Per Yun Bhi Judaa Judaa Nahi The.

Thi Jitni Bisaat, Ki Parastish.
Tum Bhi To Koi Khuda Nahi The.

Had Hoti Hai Tanz Ki Bhi Aakhir.
Hum Tere Nahin The, Jaa Nahi The.

Kis Kis Se Nibhaate Rafaaqat.
Hum Loog K Bewafa Nahi The.

Rukhsat Howa Wo To main Ne Dekha.
Phool Itne Bhi Khushnuma Nahi The.

The Yun To Hum uski Anjuman Main.
Koi Hamein Dekhta, Nahi The.

Jab usko Tha Maan Khud Pe Kia Kia.
Tab Ham Bhi “Faraz” Kia Nahi The.